Aðstæðurnar hér í Indlandi eru stundum grátlegar þegar kemur að samskiptum. Stundum, og þá sérstaklega þegar við erum í íbúðarleit þá lendir maður á einstaklingum sem tala reiprennandi ensku. En þegar kemur að bílstjórum, þjónustufólki og öðrum í þjónustugeiranum þá verða símtölin oft ansi skemmtileg eða eftir langan dag ansi þreytandi;)
Ég hef verið í símasamskiptum við konu á ferþaþjónustu einni varðandi bílaleigubíl. Hún hefur hringt nokkrum sinnum í mig, stundum upp úr þurru að bjóða mér bíl - annsi notaleg kona;) Hún hringdi í mig í dag og sagði að bíllinn sem ég pantaði væri ekki laus í dag en ég gæti fengið annan í dag og svo bílinn á mánudaginn sem ég pantaði. Þar sem mikael er veikur þá vildi ég ekki fá hann í dag heldur á morgun á morgun en svo slitnaði sambandið og ég náði ekki að klára samtalið. Hálftíma seinna hringdi gaurinn hérna niðri í afgreiðslu og spurði hvort ég hefði pantað leigubíl. Ég sagði nei sem var rétt en fór að reyna að útskýra að ég ætti von á bílaLEIGUbíl en ekki taxa... bjartsýn ég en reyndi samt. Ég endaði á að fara niður og hitta bílstjórann minn sem talaði ekki stakt orð í ensku en ég náði samt að senda hann heim aftur. Fór svo upp og hringdi aftur í ferðaþjónustuna og lenti þar á manni sem skellti á mig þar sem hann skildi ekki ensku (það gerist stundum). Nokkru síðar hringdi konan, ég tjáði henni að ég þyrfti ekki bílinn fyrr en á morgun, og þá byrjar þetta:
ma'm no car today?
no, no car today, only tomorrow.
you want car tomorrow ma'm?
yes
no car today ma'm?
no, no car today, tomorrow.
ok, no car today
no
ok.
Og þetta samtal gekk vel miðað við öll hin. Ég átti mjög bágt með mig í gær þegar Konni var að reyna að segja þjónustupilt einum hérna á 'At home' (þar sem við erum með íbúð núna) að internetið virkaði ekki.
sorry, the internet does not work
oh ok (mjög ráðvilltur á svipinn)
can you send someone?
oh ok (byrjar að labba út, eitt spurningarmerki á svipinn)
ok (og konni labbar inn í herbergi)
Gerast áskrifandi að:
Birta ummæli (Atom)
3 ummæli:
Hæ Ella
Það verður spennandi að sjá hvort þú fáir bíl á morgun eða hvort þetta símtal hafi cancelað því líka :) Skil vel að þetta taki á. Ég dæsi ansi oft eftir samræður við Satish, veit aldrei hvort hann skilji það sem ég segi og verð að viðurkenna að ég þarf ansi oft að hvá þegar hann talar við mig. Ég er þó bara með einn sem er svona erfitt að eiga í samskiptum við. Þið eruð umkringd þessu alla daga. Gangi ykkur sem best og vona að Mikael hressist fljótt og vel. kv Gunna
nú nú - það er einhver maður sem kallar sig buffalax sem getur leyst þína tungumálaerfiðleika. Hann er m.a.s. búinn að þýða þetta snilldarmyndband sem þú ert með í spássíunni á skiljanlegt tungumál:
sjá hér
hahahhahaha
hrein snilld Geir! Ég þarf að hafa uppá þessum gaur og láta hann hjálpa mér með HEnskuna:)
Skrifa ummæli